怪獸話有唔少朋友對維尼個專用小手袋好有興趣，想知晌邊度買。
其實能夠遇到呢個小手袋，證明我同佢有緣份。
話說我晌尖沙咀某間舖頭訂咗呢隻維尼加套衫，拎貨嗰陣見到跳跳虎揹住呢個小手袋喎，咁就梗係唔放過啦。
我：想問吓呢個小手袋幾多錢呀？
店主：呢個唔賣㗎！得返一個咋！
我：咁有冇得訂呢？
店主：呢個係半年前出嘅款，冇得訂㗎喇！
雙方都沉默咗一陣之後，我終於鼓起勇氣
我：都冇得訂咯，你賣埋呢個 display 俾我咪啱晒囉！
店主：……
好好彩，晌我殷切嘅目光下，店主晌得到佢 partner 同意之後，就賣咗呢個小手袋比我，咁我隻維尼以後去街就有手袋用喇！
雖然呢間舖頭賣晒又冇得訂，不過可能其他舖頭都仲有，為咗維尼大家唔好灰心呀！
Search